Prjónakaffi 2.september 2010.

Prjónakaffi

 

Heimilisiðnaðarfélag Íslands býður áhugasömum að koma í prjónakaffi á   

Amokka í Hlíðarsmára, Kópavogi.    2. september 2010  kl. 20.00   

Skólanefnd HFÍ Ísl. mun koma og kynna námskeið á vegum Heimilisiðnaðarskólans.

Heimilisiðnaðarskólinn er handmenntaskóli sem býður upp á nám í mörgum greinum heimilisiðnaðar, handmennta og listar. 

Það er  Heimilisiðnaðarfélagið sem rekur Heimilisiðnaðaraskólann

Meðal námskeiða í ár eru: jurtalitun, prjón fyrir byrjendur, lopapeysuprjón, prjónaklukka, rússneskt hekl, myndprjón, dómínó prjón,

skírnakjólar, útsaumur, jólavefnaður, lissugerð og gimb.

Einnig eru mörg námskeið sem tengjast vinnu við gerð þjóðbúninga o.m.fl.

Sjá nánar á heimasíðu HFÍ:    http://heimilisidnadur.is

Verið velkomin í prjónakaffi Heimilisiðnaðarfélags Íslands í Amokka, Hlíðarsmára, Kópavogi.

                            Prjónakaffið er alltaf fyrsta fimmtudag í mánuði.

Á Amokka er boðið upp á léttan málsverð fyrir prjónakaffið. 

Matur er framreiddur kl. 18:00-19:30.  Eftir það er selt kaffi og meðlæti.

Heimilisiðnaðarfélag Íslands - www.heimilisidnadur.is    http://prjonakaffi.blog.is

 

Prjónakaffi - alltaf fyrsta fimmtudag í hverjum mánuði.

Prjóna kaffihús  

Heimilisiðnaðarfélag Íslands býður áhugasömum að koma í prjónakaffi á

Amokka í Hlíðarsmára, Kópavogi.

5. ágúst 2010  kl. 20.00                                        

Kynning kvöldsins er:

 Rússneskt hekl - Patrick Hassel-Zein

Nýlega kom út bókin Rússneskt hekl.

Skv. Upplýsingum frá Knitting in Iceland er  þetta í fyrsta sinn sem karlmaður gefur út hannyrðauppskriftir á Íslandi,  „…eða ekki síðan 1760-1770 þegar Skúli Magnússon fógeti gaf út nokkrar lýsingar á því hvernig prjóna skyldi ýmis plögg.“

Í bókinni eru nákvæmar kennsluleiðbeiningar um rússneskt hekl og rúmlega 20 uppskriftir af flíkum fyrir karla, konur og börn.

Innblástur Patricks kemur að miklu leyti úr íslensku prjónahefðinni, en Patrick hefur búið á Íslandi síðustu 10 árin og talar ljómandi góða íslensku.

Verið velkomin í prjónakaffi Heimilisiðnaðarfélags Íslands í Amokka, Hlíðarsmára, Kópavogi.

 

Prjónakaffið er alltaf fyrsta fimmtudag í mánuði.

 

Á Amokka er boðið upp á léttan málsverð fyrir prjónakaffið.  Matur er framreiddur kl. 18:00-19:30.  Eftir það er selt kaffi og meðlæti.

 

  Heimilisiðnaðarfélag Íslands - www.heimilisidnadur.is

  http://prjonakaffi.blog.is

 

 

Prjónakaffi 3. júní 2010.

Prjóna kaffihús

Heimilisiðnaðarfélag Íslands býður áhugasömum að koma í prjónakaffi í Amokka í Hlíðarsmára, Kópavogi.

3. júní 2010,  kl. 20.00                                   

Fjölsmiðjan kynnir framleiðsluvörur sínar og starfsemi. 

Kynnt verður m.a. prjónar og heklunálar en framleiddir eru bæði sokkaprjónar og bandprjónar úr harðviði og einnig heklunálar bæði venjulegar og rússneskar. Svo eru líka framleidd prjónamerki.   

Kynntir verða grjónapúðar "GrjónaGuðjón" sem eru fylltir með lífrænt ræktuðum hýðishrísgrjónum og eru einstaklega góðir fyrir prjónakonur. Þeir eru settir í örbylgjuofn eða frysti.

Verið velkomin í prjónakaffi Heimilisiðnaðarfélags Íslands í Amokka, Hlíðarsmára, Kópavogi.

Prjónakaffið er alltaf 1. fimmtudag í mánuði.

Á Amokka er boðið upp á léttann málsverð fyrir prjónakaffið.  Matur er framreiddur kl. 18:00-19:30.  Eftir það er selt kaffi og meðlæti.

Jurtalitun

Það verða Sigrún Helgadóttir og Þorgerður Hlöðversdóttir sem halda kynningu á prjónakaffinu þann 6. maí.   

Í 13 ár hafa þær prófað sig áfram í jurtalitun og safnað í sarpinn þekkingu, hugmyndum og reynslu. Nú eru þær að leggja lokahönd á bók um jurtalitun sem kemur út nú á vordögum.

Með því vilja þær koma á prent hagnýtum leiðbeiningum um jurtalitun og kenna aðferðir sem byggja á gömlum hefðum en taka mið af nútíma þekkingu, aðstæðum og náttúruvernd.

Á pjónakaffinu munu þær segja í stórum dráttum frá innihaldi og uppbyggingu bókarinnar og sýna afrakstur af jurtalitunartilraunum.

 

Munið að Amokka býður upp á léttann málsverð fyrir prjónakaffið.  Matur er framreiddur kl. 18:00-19:30.  Eftir það er selt kaffi og meðlæti.

Prjónakaffið í apríl

Prjónakaffið verður á sínum stað í Amokka Kópavogi kl. 20:00 – 22:00   Kaffihúsið er opið fyrir þann tíma og býður upp á léttan hádegisverð gegn vægu verði.         

Því miður hafa þeir sem ætluðu að hafa kynningu í apríl afboðað sig.  Það hefur enn enginn fengist í staðin enda fyrirvarinn frekar stuttur.  En það er engin ástæða til að örvænta, það verður nóg að gera og gaman að vera saman.  Við eigum myndasýningu  í handraðanum o.fl.         

Ef hins vegar einhver er með efni sem hann / hún vill miðla okkur hinum má sá / sú hafa samband við okkur:  netfangið er  [e-mail]

Á Amokka er boðið upp á léttann málsverð fyrir prjónakaffið.  Matur er framreiddur kl. 18:00-19:30.  Eftir það er selt kaffi og meðlæti.

 

Munið næsta prjónakaffi er 8. apríl n.k.

Látið það berast til allra þeira sem koma alltaf eða stundum í prjónakaffi Heimilisiðnaðarfélagsins í Amokka í Kópavogi.  Það er mikilvægt að láta það alla vita svo enginn fari fýluferð á skírdag

Breyting á tímasetningu

Það er undantekningin sem sannar regluna!  1. fimmtudagur í apríl er jafnframt skýrdagur og í samvinnu við eigendur Amokka hefur verið ákveðið að færa prjónakaffið til 2. fimmtudags í apríl, þ.e. 8. apríl.  

Við biðjum alla að taka þátt í að láta það berast. Það eru þó nokkrir prjónavinir sem ekki hafa mikinn tölvuáhuga og til þeirra þarf að ná líka.   Það væri leiðinlegt ef margir gerðu sér ferð upp í Amokka og kæmu þar að læstum dyrum, og upplifuð sitt aprílgabb þar með. 

Svo hjálpumst að við að láta það berast.  Næsta prjónakaffi er 8. apríl 2010 kl. 20:00.  Og auðvitað er hægt að fá sér eitthvað gott að borða fyrir það.

Góðar kveðjur

Funda og fræðslunefnd HFÍ

Prjónakaffið 4. mars n.k.

Íslenska bútasaumsfélagið var stofnað árið 2000 af framsýnum konum sem sáu fyrir sér hvernig þetta litríka og skapandi áhugamál myndi sníða félagsskap bútasaumsfólks skemmtilega umgjörð.

Félagið hefur skapað þessa umgjörð með útgáfu Fréttabréfs, námskeiðhaldi, með sýningum og samkeppnum. En ekki síst á fundum félagsins þar sem með dagskráin miðar að notalegri kvöldstund þar sem miðlað er fréttum, fræðslu og félagsfólki býðst tækifæri til að sýna og segja frá verkum sínum. Einnig eru á fundunum hengdar upp sýningar á völdum verkum. Svo hefur félagið boðið gestum að halda fræðsluerindi sem hafa snertifleti við áhugasvið bútasaumsfólks.Íslenska bútasaumsfélagið fagnar tíu ára afmæli sínu á þessu ári með ýmsum hætti. Einn liður í dagskrá Afmælisárs er að kynna félagið með heimsóknum á handverks- og prjónakaffi víðsvegar á höfuðborgarsvæðinu og út um land. Anna Margrét Árnadóttir fræðslufulltrúi Íb kynnir starfsemi félagsins og viðburði tengda afmælisárinu.. Sýnt verður og sagt frá bútasaumisverkum samkvæmt Show and Tell hefðinni en einnig kynnir hún þær helstu nauðsynjar, efni, verkfæri og góss sem tilheyra þessu áhugamáli. Í farteskinu er einnig fríkeypis happdrætti í boði Íslenska bútasaums- félagsins og styrktaraðila þess.

Prjónakaffi - febrúar 2010

Nú er ástæða til að gleðjast.  Það eru einmitt nú þrjú ár síðan prjónakaffið var fyrst haldið.  Og síðan þá hefur það vaxið og dafnað langt umfram það sem bjartsýnustu konur gerðu ráð fyrir.  Það er mjög sterkur kjarni sem mætir alltaf og það er líka alltaf þó nokkuð af konum sem hafa aldrei komið áður, ætla að prófa einu sinni en ánetjast svo prjóna-félagsskapnum. 

Nú í febrúar er það Anna Silva, eigandi Garnbúðarinnar á Akranesi sem verður gestur prjónakaffisins í febrúar.

Hún ætlar að vera með kynningu á garni frá Argentínu sem heitir AslanTrends.  Það er framleitt margs konar garn undir því merki, skrautgarn o.fl.  Hún ætlar einni að kynna Denise prjóna og heklunálasett og ýmsa hjálparhluti fyrir prjónaskapinn.  Einnig ætlar hún að kynna Namaste prjónatöskuna og eitthvað fleira. Bendi áhugasömum á heimasíðu verslunarinnar   http://garnbudin.is

Hlökkum til að sjá ykkur allar.  Minnum á að vertarnir í Amokka eru með húsið opin fyrir prjónakaffið og bjóða upp á veitingar á góðu verði. 

Fr.Kr.

Nýtt prjónaár.

Gleðilegt ár kæru prjónafélagar og takk fyrir gömlu prjónaárin.  Þetta hefur verið frábær tími og komandi ár gefur fyrirheit um enn fleiri prjónaafrek 

  

Í næsta prjónakaffi, janúar 2010  mun  

 Edda Lilja Guðmundsdóttir

koma og kynna hvað hún hefur verið að vinna að á síðasta ári. 

Hún setti sér markmið að gera 1 húfa í hverri viku árið 2009.

Hún hélt úti heimasíðunni    http://www.snigla.com/    um verkefnið þar sem hægt var að fylgjast hvernig gengi.

Þessu mun hún segja okkur frá og líka hvað markmið hún hefur sett sér fyrir nýja árið.

Þetta verður mjög spennandi -  hlakka mikið til að hitta alla

Fr.Kr.